"Барселона"нинг янги бош мураббийи Хави бугун жамоа билан ўзининг илк машғулотини ўтказди, дея хабар беради Каталония клуби расмий сайти.

Ўз мамлакати терма жамоаларига кетмаган футболчилар мураббий қўл остида 20 ноябрь куни бўлиб ўтадиган Испания чемпионатининг 14-туридан ўрин олган "Эспаньол" билан ўйинга тайёргарликни бошлаб юборишди.

Машғулот олдидан Хави жамоа олдида нутқ сўзлади.

41 ёшли испанияликни кутиб олиш учун президент Жоан Лапорта, вице-президент Рафа Юсте, спорт директори Матеу Алемани, халқаро спорт директори Жорди Кройфф ва техник котиб Рамон Планес ҳам клуб базасига ташриф буюришди.

Эслатиб ўтамиз, Испания чемпионатининг 13-турида каталонияликлар 16 очко тўплаган ҳолда, турнир жадвалининг 9-поғонасида боришмоқда.