«Реал Сосьедад» ва Швеция терма жамоаси ҳужумчиси Александр Исак бир вақтнинг ўзида Англия премьер-лигасининг бир нечта клублари эътиборини тортди. Олдинроқ футболчига Лондоннинг «Арсенал» клубидан қизиқиш борлиги айтилганди, эндиликда «Ливерпуль» ҳам форвард учун курашга қўшилди.
El Nacional нашри берган маълумотларга кўра, эҳтимолий келишув ташаббускори шахсан мерсисайдликлар бош мураббийи Юрген Клопп бўлган. Немис мутахассисига таркибни ротация қилиш учун ҳужум чизиғига янги футболчи керак ва Исакнинг номзоди унга идеал вариантдек кўринади.
Клуб шведнинг трансферини ёзда амалга ошириш ниятида. Потенциал трансфер тахминан 40 миллион еврони ташкил қилиши мумкин.
