Хави "Барселона"га бош мураббий этиб тайинланганидан сўнг илк кадрлар ўзгаришларини амалга оширди: физиотерапевт ва фитнес бўйича мураббий ишдан бўшатилди. Бу хақда "AC" нашри хабар берди.
Уларнинг ўрнини "Ас-Садда"да Хави билан бирга ишлаган Карлес Ногейра ва Иван Торрес эгаллайди.
Бу лавозимда олдин, Хуанхо Брау "Барселона" асосий жамоасида бош физиотерапевти, Альберт Роке эса клубнинг фитнес бўйича мураббийи бўлиб ишлаган.
Аввалроқ, Хави ва "кўк- анор ранглилар" директори Матеу Алемани "Барса" тиббиёт штабининг ишидан норози экани хабар қилинганди.
