Испаниянинг "ESPN" нашри берган маълумотларга кўра, "Барселона" қишки трансферлар ойнасида 10 миллион евродан кўп маблағ сарфлай олмайди.
Аввалроқ, Каталония клуби ижрочи директори Ферран Ревертер клуб қишки трансферлар вақтида 20 миллион еврога эга бўлиши ҳақида айтганди.
Маълумотларга кўра, ҳужумчи Ансу Фати ва ярим ҳимоячи Педри билан узоқ муддатли шартномалар имзолангани бу миқдорни камайтирган. Шунингдек, "кўк-анор ранглилар" Роналд Куманни истеъфога чиқариш ва Хавининг товон пулини тўлаш учун ҳам маълум миқдорда пул сарфлаши керак эди.
Қайд этилишича, жамоа навбатдаги трансферлар вақтида ижара асосида ўйинчи харид қилишга ҳаракат қилади.
