«Тоттенхэм» ҳужумчиси ва Англия терма жамоаси сардори Ҳарри Кейн январь ойидаги трансфер ойнасида «Манчестер Сити» футболчисига айланиши мумкин, деб хабар беради ESPN.
Манбага кўра, ўтган ёзда Лондон клуби раҳбарияти инглиз учун «шаҳарликлар»дан 150 миллион евро талаб қилган. Қайд этилишича, «шаҳарликлар» раҳбарияти «шпорлар» президенти нархни пасайтириб, футболчини камроқ пул эвазига қўйиб юборишига умид қилмоқда.
Бироқ, манбага кўра, лондонликлар президенти Дениель Леви жамоа етакчиси учун фақатгина «катта таклиф»ни қабул қилишга тайёр, чунки «Тоттенхэм»нинг буджети коронавирус пандемияси туфайли сезиларли даражада қисқарган.
Жорий мавсумда Кейн «Тоттенхэм» сафида барча турнирларда 14 та ўйин ўтказиб, 7 та гол урди ва битта голли узатмани амалга оширди.
