Европада Жаҳон чемпионати саралаш босқичи доирасида навбатдаги учрашувлар бўлиб ўтди.

Марказий баҳс "С" гуруҳи етакчилари — Италия ва Швейцария ўртасида кечди. Ушбу тўқнашув ғолиби амалда ЖЧ йўлланмасини ҳал қилиб қўяр эди. Ўйиннинг 11-дақиқасида Видмер швейцарияликларни олдинга олиб чиққан бўлса, тайм тугашига 9 дақиқа қолганида Жованни ди Лоренцо мувозанатни тиклади. Ушбу ҳисоб учрашув охиригача ўзгармади.

Ушбу дуранг туфайли икки жамоанинг очколари 15тага етди. "Скуадро адзурра" тўплар фарқига кўра олдинда бормоқда. Сўнгги турда италияликлар Шимолий Ирландия меҳмони бўлса, "соатсозлар" ўз уйларида Болгарияни қабул қилишади. Тўғридан-тўғри йўлланма тақдири тўплар фарқи орқали ҳал этилишини инобатга олсак, сўнгги турда улар йирик ҳисобдаги ғалаба учун ўйнашади.

Англия ўз уйида Албания устидан йирик ҳисобда ғалаба қозонди. Сўнгги турда инглизлар Сан-Маринога қарши баҳсда дуранг қайд этишса ҳам ЖЧ йўлланмасини қўлга киритади. Бундай ҳолатда Польша плей-офф босқичига йўл олади.

ЖЧ-2022 саралаш босқичи. Европа

"C" ГУРУҲИ
Италия – Швейцария 1:1 (1:1, 0:0)
Голлар: 0:1 – 11 Видмер, 1:1 – 36 Ди Лоренцо.
Италия – Доннарумма, Ачерби, Эмерсон (Калабрия, 80), Ди Лоренцо, Бонуччи, Жоржиньо, Барелла (Кристанте, 69), Кьеза, Локателли (Тонали, 58), Инсинье (Распадори, 79), Белотти (Берарди, 58).
Швейцария – Зоммер, Видмер, Родригес (Гарсия, 69), Шер, АканЖи, Шакири (Соу, 80), Штеффен (Имери, 69), Варгас (Зекири, 87), Фройлер, Окафор (Фрай, 79), Закария.
Огоҳлантиришлар: Кьеза (43), Инсинье (47), Шер (77), Аканжи (81), Гарсия (89).

Шимолий Ирландия – Литва 1:0 (1:0, 0:0)
Гол: 1:0 – 17, автогол Шаткус.

"F" ГУРУҲИ
Молдова – Шотландия 0:2 (0:1, 0:1)
Голлар: 0:1 – 38 Паттерсон, 0:2 – 65 Адамс.

Дания – Фарер 3:1 (1:0, 2:1)
Голлар: 1:0 – 18 Ольсен, 2:0 – 63 Бруун Ларсен, 2:1 – 89 Ольсен, 3:1 – 90 Мэле.
 
Австрия – Исроил 4:2 (0:1, 4:1)
Голлар: 0:1 – 32 Битон, 1:1 – 51, пенальти Арнаутович, 1:2 – 58 Перец, 2:2 – 62 Шауб, 3:2 – 72 Шауб, 4:2 – 84 Забитцер.

"I" ГУРУҲИ
Англия – Албания 5:0 (5:0, 0:0)
Голлар: 1:0 – 9 Магуайр, 2:0 – 18 Кейн, 3:0 – 28 Хендерсон, 4:0 – 33 Кейн, 5:0 – 45 Кейн.
Англия – Пикфорд, Жеймс (Александер-Арнолд, 77), Магуайр, Уокер, Чилуэлл, Фоден (Грилиш, 63), Хендерсон, Стерлинг (Смит-Роу, 77), Филлипс (Беллингем, 64), Стоунз, Кейн (Абрахам, 63).
Албания – Стракоша, Весели, Кумбула (Дермаку, 17), Исмайли, Хюсай, Баре (Лячи, 12), Траши (Михай, 46), Гьясула, Байрами (Рамадани, 46), Узуни (Роши, 86), Цикалеши.
Огоҳлантиришлар: Гьясула (8), Цикалеши (21), Исмайли (25), Лячи (67).

Андорра – Польша 1:4 (1:3, 0:1)
Голлар: 0:1 – 5 Левандовски, 0:2 – 11 Юзвяк, 1:2 – 45 Валес, 1:3 – 45 Милик, 1:4 – 73 Левандовски.
Андорра – Икер Альварес, Сервос, Алаведра, Макс Льовера, Сан-Николас (Паблос, 84), Алаэс (Гарсия Реном, 84), Валес (Гарсия, 66), Вьейра, Рикард, Пухоль (Росас, 62), Клементе (Мартинес, 66).
Польша – Шченсны, Глик, Рыбус, Берешиньски, Юзвяк, Франковски (Кэш, 64), Клих (Пионтек, 64), Зелиньски (Шиманьски, 86), Криховяк (Линетти, 64), Левандовски, Милик (Швидерски, 77).
Огоҳлантиришлар: Клих (22), Пухоль (22), Алаэс (37), Вьейра (40), Крыховяк (61).
Четлатиш: Рикард (1).

Венгрия – Сан-Марино 4:0 (2:0, 2:0)
Голлар: 1:0 – 6 Собослаи, 2:0 – 22 Газдаг, 3:0 – 83 Собослаи, 4:0 – 88 Вечеи.