15 ноябрь кунги "Барселона" машғулотларига Усмон Дембеле биринчи бўлиб етиб келди, дея хабар берди журналист Алекс Пинатель "Twitter" саҳифасида.

Аввалроқ, франциялик футболчи каталонияликлар машғулотларига 3 дақиқага кеч қолгани учун клуб томонидан 10000 евро миқдорда жарима тўлаган эди. Хави томонидан ўрнатилган янги қоидаларга кўра футболчилар машғулотлар бошланишидан 90 дақиқа аввал клуб базасида бўлиши керак.

Эслатиб ўтамиз, Дембеле 2 ноябрь куни Чемпионлар лигаси доирасидаги "Динамо Киев"га қарши ўйинда бу мавсумдаги дастлабки учрашувини ўтказган эди.