"Лестер" футболчиси Напали Менди қишда жамоани тарк этиш ниятида. У бу ҳақда шундай дейди:
"Клубларда бу нормал ҳолат. Ўйлайманки, кетишни хоҳлашим, мантиқийдир. Чунки, сен ҳар қандай жойда ўз ўрнинга эга бўлишинг лозим. Умид қиламанки, қишда мен бошқа клубга йўл оламан. Лекин ҳозир сабрли бўлишим лозим".
Менди 2016 йилдан бери "Лестер"да ўйнаб келмоқда. У ўтган мавсумда 29 марта майдонга туширилган.
Бу мавсумда эса Рожерс ҳали Менди хизматларидан фойдаланмади. Унинг битими 2023 йилгача амал қилади.
