Яқинда “Кристал Пэлас”да мураббий сифатида иш бошлаган Патрик Виейра Англия Премьер-лигасида қора танли мураббийлар жуда камлигига эътибор қаратди. Қолаверса, франциялик мутахассис ушбу тенденциядан хавотир билдирди.
“Нега бундай бўлаётганини тушуна олмаяпман. Бошқа одамлардан фарқимиз йўқ, бизда ҳам маълум бир тажриба, футболга муҳаббат, иш одоб-ахлоқи бор. Агар мен бунга таъсир қилиш имконига эга бўлсам, мен керак бўлган ҳамма нарсани қиламан”, - дейди Виеира.
Эслатиб ўтамиз, Франция терма жамоасининг собиқ футболчиси бир неча бор турли акцияларда иштирок этган ва у ерда ирқий камситишларга қарши чиққан.
