Yaqinda “Kristal Pelas”da murabbiy sifatida ish boshlagan Patrik Viyeyra Angliya Premyer-ligasida qora tanli murabbiylar juda kamligiga e’tibor qaratdi. Qolaversa, fransiyalik mutaxassis ushbu tendensiyadan xavotir bildirdi.
“Nega bunday bo‘layotganini tushuna olmayapman. Boshqa odamlardan farqimiz yo‘q, bizda ham ma’lum bir tajriba, futbolga muhabbat, ish odob-axloqi bor. Agar men bunga ta’sir qilish imkoniga ega bo‘lsam, men kerak bo‘lgan hamma narsani qilaman”, - deydi Viyeira.
Eslatib o‘tamiz, Fransiya terma jamoasining sobiq futbolchisi bir necha bor turli aksiyalarda ishtirok etgan va u yerda irqiy kamsitishlarga qarshi chiqqan.
