"Барселона" президенти Жоан Лапорта жамоанинг афсонавий футболчилари ҳақида гапирди.
Дани Алвеснинг тақдимот маросимида Каталония клуби президенти Жоан Лапорта Лионель Месси ва Андрес Иньеста ҳам бир кун келиб "Камп Ноу"га қайтиши мумкинлигини айтди.
“Мен ҳеч нарсани истисно қилмайман. Бу Дани билан содир бўлди, унинг ўзи ёшини шунчаки рақам деб айтди. Қолаверса, молиявий томондан ҳам жамоа учун фойда бўлиши учун бор кучини сарфлади.
Лео ва Андрес – икки ажойиб футболчилар. Олдиндан нима бўлишини башорат қила олмайман, иккаласи ҳам ўйнашда давом этмоқда. Биз уларни доимо кузатиб борамиз, аммо айни дамда уларнинг бошқа клублар билан шартномалари бор. Сиз ҳаётда ҳеч нарсани олдиндан башорат қила олмайсиз”, – деди Лапорта.
