Франциянинг "Лион" жамоаси "Зенит"нинг эронлик ҳужумчиси Сердар Азмун билан яна бир бор шартнома имзолашга ҳаракат қилади. Бу ҳақда клуб спорт директори Жуниньо маълум қилди.
“Биз Азмунни жуда яхши кўрамиз – мен ҳам, мураббийимиз Питер Бош ҳам. Кўпинча Сердар ҳужум марказида ўйнайди, лекин биз унинг чап қанотдан, ҳужум ортида ва бошқа ҳужумчи билан жуфтликда ҳаракат қила олишини кўрдик. У билан шартнома имзолай оламизми ёки йўқми, билмайман. Лекин, албатта, нимадир қилишга ҳаракат қиламиз”, - деди функционер "RMC Sport" нашрига берган интервьюсида.
"Лион" ўтган ёзда ҳам Азмунни қўлга киритишга уриниб кўрган эди, бироқ "Зенит" футболчини қўйиб юбормади.
