Fransiyaning "Lion" jamoasi "Zenit"ning eronlik hujumchisi Serdar Azmun bilan yana bir bor shartnoma imzolashga harakat qiladi. Bu haqda klub sport direktori Juninyo ma’lum qildi.
“Biz Azmunni juda yaxshi ko‘ramiz – men ham, murabbiyimiz Piter Bosh ham. Ko‘pincha Serdar hujum markazida o‘ynaydi, lekin biz uning chap qanotdan, hujum ortida va boshqa hujumchi bilan juftlikda harakat qila olishini ko‘rdik. U bilan shartnoma imzolay olamizmi yoki yo‘qmi, bilmayman. Lekin, albatta, nimadir qilishga harakat qilamiz”, - dedi funksioner "RMC Sport" nashriga bergan intervyusida.
"Lion" o‘tgan yozda ham Azmunni qo‘lga kiritishga urinib ko‘rgan edi, biroq "Zenit" futbolchini qo‘yib yubormadi.