"Арсенал" ярим ҳимоячиси Мартин Эдегор Серхио Рамос ва Виржил ван Дейкни фаолиятидаги энг яхши икки ҳимоячи деб атади.
"Серхио Рамосни алоҳида таъкидлаб ўтишим керак, Испанияда унга қарши бир неча бор ўйнаганман. Виржил ван Дейкка қарши эса терма жамоа сафида ўйнаганман. Улардан ўтиб кетиш жуда қийин вазифа.
"Арсенал"? Ўйлайманки, бу чемпионатдаги энг ёш жамоалардан бири, вақт ўтиши билан биз яхшиланиб борамиз. Биз аллақачон кучли жамоага айланганмиз", - деди ярим ҳимоячи "Metro" нашрига берган интервьюсида.
22 ёшли ҳужумкор ярим ҳимоячи жорий мавсумда “Арсенал” сафида 11та ўйин ўтказиб, 1та гол уришга муваффақ бўлди.
