Голландиялик собиқ футболчи Жованни ван Бронкхорст “Рейнжерс”нинг янги устозига айланди. Бу ҳақда Шотландия клуби матбуот хизмати хабар бермоқда.
46 ёшли Ван Бронкхорст “Астон Вилла” мураббийига айланган Стивен Жеррарднинг ўрнини эгаллади.
Голландиялик мутахассис аввал “Фейноорд”да ишлаган. Унинг қўл остида клуб мамлакат чемпионида олтин медалларни қўлга киритди, икки марта Голландия кубоги ва Суперкубогини қўлга киритди.
Шунингдек, мутахассис Хитойнинг “Гуанчжоу Сити” жамоасини бошқарган.
Жованни “Рейнжерс” сафида 1998 йилдан 2001 йилгача ўйнаган.
