«Манчестер Юнайтед» ярим ҳимоячиси Жесси Лингард ниҳоят жамоани тарк этишга қарор қилди.
The Times хабарига кўра, 28 ёшли футболчи 2022 йилнинг ёзида тугайдиган шартномасини якунлаб, эркин агент сифатида клубни тарк этиш ниятида.
Қайд этилишича, клуб Лингард билан янги шартнома борасида келиша олмаган. Футболчи клубнинг хатти-ҳаракати туфайли энди музокараларни давом эттириш ниятида эмас. «Манчестер Юнайтед» Лингардга ҳозиргидан камроқ маош таклиф қилди.
Лингард, шунингдек, ўйин амалиётига эга бўлмагани учун қишки трансфер ойнасида ижарага кетишини ҳам истисно этмайди.
