"Интер" бош директори Беппе Маротта ярим ҳимоячи Марсело Брозович клуб билан шартномасини узайтиришига ишончи комил эканлигини айтди.
"Брозович шартномани узайтирадими? Мен хотиржамман ва бу футболчи фаолиятини клубимизда давом эттиришига ишонаман. Марселога биз берган нарсаларни беришга тайёр жамоаларни топиш осон эмас", - дея Мароттанинг сўзларини келтиради журналист Николо Скира.
2021/22 йилги мавсумда Брозович "Интер' сафида 16 та ўйин ўтказиб, 1 та гол ва 2 та голли узатмани амалга оширган. 29 ёшли хорватнинг шартномаси 2022 йилнинг июнь ойи охиригача амал қилади.
