Лондоннинг “Челси” жамоасидаги муваффақиятли ўйинлари билан мухлислар хотирасида қолган собиқ футболчи Дидье Дрогба “Ливерпуль” ҳужумчиси Муҳаммад Салоҳнинг самарали ўйини ҳақида гапирди.
“Агар Салоҳ худди шу руҳда ўйнашда давом этса, у менинг барча рекордларимни янгилайди”, - деб фикр билдиради собиқ футболчи.
Дрогба Англия чемпионати тарихидаги энг сермаҳсул африкалик футболчи бўлди. Яқинда Муҳаммад Дидьенинг ютуғини ортда қолдирди. Мисрлик футболчи аллақачон 107 та гол урган бўлса, ивуарлик футболчида 104 та гол бор.
Шунингдек, Дрогба Чемпионлар лигасида гол уриш бўйича африкаликлар орасида пешқадам. У еврокубокларда 44 та гол урган. Салоҳ ҳисобида Чемпионлар лигасида 33 та гол.
