Бугун “Барселона” яримҳимоячиси Педри “Golden Boy” мукофотини олгани маълум бўлди. У 2021 йилнинг энг яхши ёш футболчиси деб топилди. Ўша куни Педри “Бавария” қизиқишлари доирасига тушгани ҳақида маълумот пайдо бўлди.
АS нашри хабарига кўра, “Бавария” ўз тарихидаги энг қиммат трансферни амалга оширишга тайёр. Клуб футболчи учун 80 миллион евро тўламоқчи. Мюнхенликлар Педрининг маошини “Барселона”даги ҳозирги маошига нисбатан 4 баробар оширишни таклиф қилмоқчи.
Қайд этилишича, Педрининг атрофидагилар “Бавария” қизиқишлари ҳақида аллақачон билишган. Бироқ бу трансфер осон бўлмайди. Сабаби, футболчининг шартномасида товон пули 1 миллиард евро қилиб белгиланган.
