Италиялик машҳур инсайдер Фабрицо Романонинг хабар беришича, франциялик собиқ "Реал" бош мураббийи Зинедин Зидан мураббийликка қайтишга шошилмоқчи эмас.
"Манчестер Юнайтед" бир неча ҳафтадан буён Зидан атрофдаги вазиятни кузатиб келмоқда. "Қизил иблислар" уни яқинда истеъфога чиқарилган Оле-Гуннар Сульшер ўрнига муносиб номзод деб ҳисоблашади. Аммо, француз ҳозирда мураббийликка қайтишни истамаяпти – на "Олд Траффорд"га, на бошқа жойга", – дея ёзди Романо.
Эслатиб ўтамиз, ўтган ҳафта "Уотфорд"га учралган йирик ҳисобдаги мағлубиятдан сўнг Оле-Гуннар Сульшер манкунианликлар бошқарувидан кетган эди. Ҳозирда МЮни Майкл Керрик бошқариб турибди.
