«Манчестер Сити» бош мураббийи Роберто Манчини Европа Лигаси нимчорак финал учрашувида «Спортинг»га имконият (0:1) бой берилгач, жамоа ҳимоя қўрғони етакчиси Венсан Компанининг олган жароҳатини таърифлаб ўтди.

- Компанининг сафга қайтиш муддати борасида муайян гап айтиш учун бир-икки кун талаб этилади, - деди Манчини. – Умид қиламанки, у 10 кунларда, жуда бўлмаганда икки ҳафталарда майдонга қайтади. Нима бўлганда ҳам, унинг ўрнига майдонга тушиши мумкин бўлган ўйинчиларимиз бор.

Эслатамиз, Компани «Спортинг»га қарши ўйиннинг 10-дақиқасидаёқ жароҳат олиб, алмаштирилган эди.