Ўзбек футболи ривожига улкан ҳисса қўшган, ҳаётининг сўнгги кунларигача ЎФАда фидойилик билан фаолият олиб борган тажрибали мутахассис Наримон Жалолов хотирасига бағишланган фахрийлар ўртасида турнир ташкил этилди.
Унда 60 ёшга тўлган, турли даврларда ўзбек футболи ривожига катта ҳисса қўшган ўтмишнинг таниқли аъзолари: футболчилар, ҳакамлар ва мураббийлар иштирок этишди. Мусобақада “Бунёдкор", "Жиззах", "Сурхондарё", "Алгоритм" жамоалари ғолиблик учун кураш олиб борди. Жамоалар сафидаги бир қанча таниқли номларни келтириб ўтамиз: “Бунёдкор” таркибида ўтмишда раҳбарлик лавозимларида ишлаган Раҳмиддин Зикриёев ва футболчилар Александр Шапран, Элбек Мусаев, “Жиззах” сафида собиқ ҳакам Комил Қиличев, Сардор Рашидов ҳамда Жасур Ҳасанов каби футболчиларнинг устози Усмон Муҳамедшин тўп тепди. Шунингдек, “Сурхондарё”да Элдор Шомуродовнинг отаси Азамат Шомуродов, вилоят футболининг таниқли фахрийлари Алишер Қурбонов, Виктор Олешников, Сергей Захаренко, “Алгоритм” таркибида Комилжон Йўлчибоев, собиқ мураббий Юрий Госпадарчук, таниқли собиқ футболчи Анвар Бойматов майдонга чиқди.
Ярим финалда “Жиззах”дан устун келган фахрийларимиз финалда “Алгоритм”ни мағлубиятга учратиб, бош совринга эга чиқди. Аҳамиятлиси, фахрийларимиз икки ўйинда рақиб дарвозасига жами 10та гол урди.
Наримон Жалолов хотира турнири
Ярим финал
“Бунёдкор” - “Жиззах” – 5:0
"Сурхондарё" - "Алгоритм" – 1:4
ФИНАЛ
“Бунёдкор" - "Алгоритм" – 5:3
Мусобақа якунлангач тақдирлаш маросими ўтказилди. Бахтиёр Ибрагимов, Ренат Енчалиев, Виктор Олешников, Қаҳрамон Абдумўминов ўз жамоалари сафида энг яхши футболчи деб тан олинди ва махсус совринлар билан тақдирланди.
