Футбол агенти Мино Райола норвегиялик ҳужумчи Эрлинг Холанднинг фаолиятини бошқа жамоада давом эттириш эҳтимолий трансфери ҳақида гапирди. Айни дамда тўпурар Дортмунднинг “Боруссия” жамоаси сафида тўп сурмоқда.
“Ҳозирча аниқ ҳеч нарса йўқ. Ҳозир трансферлар ҳақида гапирмоқчи эмасман, ҳали эрта. Айтишим мумкинки, Ҳоландга Испания ёқади. Аммо унинг кейинги мавсумда қаерда ўйнаши ҳозирча маълум эмас”, - дейди агент.
Ҳужумчининг Дортмунд клуби билан шартномаси 2024 йилнинг ёзида якунига етади. Трансфермаркт портали футболчининг нархи 150 миллион еврога баҳоламоқда.
