"Наполи" футболчиси Викор Осимхен шифохонадан уйига қайтди. Хабарларга кўра, бугун жамоа ҳужумчиси Осимхенга уйига кетиш учун рухсат берилган.
22 ёшли футболчининг аҳволи анча яхши. У эндиликда 10-15 кун давомида уйида реабилитация қилинади. Бу ҳақида клуб расмий сайти хабар қилди.
Эслатиб ўтамиз, Осимхен "Интер"га қарши баҳсда юзидан жиддий жароҳат олган эди. У кўз соққаси ва яноқ суягидан операция қилинган. Футболчи январь ойида бўлиб ўтадиган Африка Миллатлар кубоги мусобоқасида иштирок эта олмайди.
