"Барселона" жамоаси собиқ бош мураббийи Роналд Куман билан шартномани муддатидан олдин бекор қилиш шартлари бўйича келишиб олди, дея хабар беради "Marca".
Нидерландиялик мутахассис шартномани муддатидан олдин бекор қилингани учун 10 миллион евро миқдорида товон пули олади. Дастлаб, бу тахминан 12 миллион эди.
Эслатиб ўтамиз, Куман Испания чемпионати доирасида "Райо Вальекано"га қарши ўйиндаги мағлубиятдан сўнг (0:1) бош мураббийликдан кетган эди.
У 2020 йилнинг августида "Барселона"ни қабул қилиб олганди. Футболчи сифатида 1989 йилдан 1995 йилгача каталонияликлар шарафини ҳимоя қилган.
