"Боруссия"нинг норвегиялик ҳужумчиси Эрлинг Холланд ёзги трансфер ойнасида клубини ўзгартириши мумкин.
Ёзда футболчининг шартномасида банд фаоллаштирилади, унга кўра, у дортмундликлар жамоасини 75 миллион евро эвазига тарк этиши мумкин. "Goal.com" хабарига кўра, норвегиялик ҳужумчи учун устувор вариант - "Реал"га ўтиш.
Шунингдек, футболчига "Манчестер Сити", "ПСЖ", "Ливерпуль" ва "Челси" ҳам қизиқиш билдирмоқда. У ўз атрофидагиларга келажаги борасида ҳали якуний қарорга келмаганини айтди.
Жорий мавсумда 21 ёшли ҳужумчи "асаларилар" билан барча турнирларда 10та ўйинда қатнашиб, 13та гол урди ва 8та голли узатмани амалга оширди.
