"Верона" қишки трансфер ойнасида "Аталанта" ярим ҳимоячиси Алексей Миранчукни сотиб олмоқчи. Бу ҳақда журналист Никола Скира "Twitter" саҳифасида хабар берди.
"Верона" январда жамоани тарк этишни режалаштираётган "Аталанта"дан Миранчукнинг трансферига қизиқмоқда", - деб ёзади журналист.
Олдинроқ россиялик ярим ҳимоячига "Зенит", "Женоа" ва "Торино"дан таклифлар борлиги хабар қилинганди.
Жорий мавсумда Миранчук саккизта ўйин ўтказиб, битта голли узатмани амалга оширди. Россиялик футболчининг Бергамо клуби билан шартномаси 2024 йилнинг ёзига қадар тузилган.
