"Барселона" ҳужумчиси Усмон Дембеле клубни тарк этиш ниятида эмас. "Sport" нашри берган хабарга кўра, француз футболчиси Каталониядан кетмайди.

Унга "Ньюкасл" жиддий қизиқиш билдираётган эди. Ҳозирда дунёдаги энг бой клуб қишда Усмон учун катта таклиф юборишни режа қилганди.

Футболчининг ўзи учун эса йилига 12,7 миллион фунт маош белгиланар эди. Дембеле "Барселона"да қолишини, бошқа клублардан бўлаётган ҳар қандай таклиф ва пул миқдори уни қизиқтирмаслигини билдирган.

Аввалроқ "Барса" "Манчестер Сити"дан Ферран Торресни олиб келмоқчилиги ҳақида хабар қилинганди.