"Атлетико Мадрид" ва "Ливерпул"даги ўйинлари билан танилган аргентиналик футболчи Макси Родригес футболчилик фаолиятини якунлади. Бу ҳақда 40 ёшли футболчи инстаграмдаги саҳифаси орқали малум қилди.
Ярим ҳимоячининг сўнгги жамоаси Аргентинанинг "Нюеллс Олд Бойз" клуби бўлиб, у 2019 йилдан бери жамоа шарафини ҳимоя қилиб келмоқда эди.
Родригес “матрасчилар” сафида 2005-2010 йилларда, мерсисайдликлар сафида эса 2010-2012 йилларда ўйнаган.
Аргентина терма жамоаси таркибида Макси 57 та ўйин ўтказиб, 16 та гол урган. Албиселесте билан биргаликда 2014 йилги Жаҳон чемпионатида кумуш медальни қўлга киритган.
