"Пари Сен-Жермен" ҳужумчи Килиан Мбаппени жамоада олиб қолиш уринишларидан воз кечмаяпти. Бироқ Париж клуби август ойидан бери музокараларда ҳеч қандай муваффақиятга эриша олмади, дея хабар беради "AS" нашри.
Ёз охирида парижликлар Мбаппени жамоанинг энг кўп маош олувчи футболчисига айлантирмоқчи эди, бироқ футболчининг жамоадан кетиш қарорига бу таклиф ҳеч қандай таъсир қилмади.
Манбага кўра, “Реал” раҳбарияти 22 ёшли ҳужумчини ўз сафига қўшиб олишга уриниб кўриш учун 1 январни кутмоқда.
Жорий мавсумда Мбаппе ПСЖ сафида барча турнирларда 17та ўйин ўтказиб, 8та гол урди ва 12та голли узатмани амалга оширди.
