"ПСЖ" ҳужумчиси Килиан Мбаппе ўзининг автобиографиясини комикс сифатида нашр этди, дея хабар беради "Marca" нашри. Унда у, хусусан, "Сантьяго Бернабеу"га ташрифини тасвирлаб беради.
Комиксни чиқариш учун Мбаппе ўзининг нашриёт уйини ташкил қилди. Бошқа нашриётлар унинг чиқарилишини ўз зиммаларига олишмади. Французнинг комикс кўринишидаги автобиографияси 300 000 нусхада нашр этилган.
Комиксда унинг Зинедин Зидан, Криштиану Роналду билан учрашуви ва "Сантьяго Бернабеу"га ташрифи тасвирланган эпизод ҳам бор. У ўша кунларини "ҳаётидаги энг яхшиси" деб таърифлайди. Шунингдек, болалик, “Монако”даги давр ва “ПСЖ”га ўтиш хотиралари ҳам бор.
23 ёшли ҳужумчининг ПСЖ билан шартномаси мавсум охирида якунига этади. Олдинроқ унинг "Реал"га ўтиши мумкинлиги ҳақида хабарлар тарқалган эди.
