27 ноябрь, шанба оқшомида футбол бўйича Либертадорес кубогининг финал учрашуви бўлиб ўтди.

Унда "Палмейрас" "Фламенго"ни мағлуб этди (2:1 қ.в.). Асосий вақт дуранг билан якунланди - 1:1.

"Палмейрас" ўз тарихидаги учинчи марта турнирда ғалаба қозонди. Аввалроқ, жамоа 1999 йил ва 2020 йилда ғалаба қозонган. Жамоа шунингдек, учта финалда мағлуб бўлган. "Фламенго" ўз тарихида биринчи марта Либертадорес кубоги финалида мағлуб бўлди. Бунгача жамоа икки марта финалга чиққан ва ҳар икки мартада (1981 ва 2019 йил) ҳам ғалаба қозонган эди.

"Палмейрас" 2:1 "Фламенго"

Голлар: 1:0 – 5 Рафаэль Вейга, 1:1 – 72 Габриель Барбоза, 2:1 – 95 Дейверсон.

"Палмейрас" – Уевертон, Майке (Габриел Менино, 105), Гомес, Луан, Пикерес (Мело, 113), Зе Рафаел (Данило, 82), Скарпа, Рафаел Вейга (Дейверсон, 90), Данило (Патрик де Паула, 70), Дуду (Весли, 77), Рони.

"Фламенго" – Диего Алвес, Исла (Матеузино, 79), Давид Луиз, Родриго Каё, Филипе Луис (Рене, 32), Эвертон Рибейро (Майкл Ричард, 63), Арао, де Арраскаета (Витино, 111), Перейра (Педро, 111), Габриел Барбоза, Бруно Энрике (Кенеди, 90).