"ПСЖ" "Реал" ҳужумчиси Винисиус Жуниорни ўз жамоасида кўрмоқчи, деб ёзади "ABC" нашри. Париж раҳбарияти бразилияликни катта маош билан ўзига тортмоқчи.
Маълумотларга кўра, агар футболчи Париж жамоаси сафига текинга ўтса, унинг ПСЖдаги маоши йилига 17 миллион еврони ташкил қилади. Ҳозирда у йилига 3,3 миллион евро олади, аммо Мадрид клуби аллақачон унинг шартномасини узайтириш ва маошини ошириш устида ишламоқда.
Винисиуснинг Мадрид клуби билан шартномаси 2024 йилнинг июнь ойи охиригача амал қилади. "Transfermarkt" портали футболчини 50 миллион еврога баҳоламоқда.
2021/22 йилги мавсумда ярим ҳимоячи Испания чемпионатида 14 та ўйин ўтказиб, 8 та гол урди ва 3 та голли узатмани амалга оширди.
