"PSJ" "Real" hujumchisi Vinisius Juniorni o‘z jamoasida ko‘rmoqchi, deb yozadi "ABC" nashri. Parij rahbariyati braziliyalikni katta maosh bilan o‘ziga tortmoqchi.

Ma’lumotlarga ko‘ra, agar futbolchi Parij jamoasi safiga tekinga o‘tsa, uning PSJdagi maoshi yiliga 17 million yevroni tashkil qiladi. Hozirda u yiliga 3,3 million yevro oladi, ammo Madrid klubi allaqachon uning shartnomasini uzaytirish va maoshini oshirish ustida ishlamoqda.

Vinisiusning Madrid klubi bilan shartnomasi 2024 yilning iyun oyi oxirigacha amal qiladi. "Transfermarkt" portali futbolchini 50 million yevroga baholamoqda.

2021/22 yilgi mavsumda yarim himoyachi Ispaniya chempionatida 14 ta o‘yin o‘tkazib, 8 ta gol urdi va 3 ta golli uzatmani amalga oshirdi.