АГМК жамоаси учун 2021 йилги футбол мавсуми якунланди. Суперлиганинг ҳал қилувчи баҳсида кумуш медал учун кечган учрашувда пенальти ўйин тақдирини ҳал этиб, АГМК чемпионатни ўтган йилги каби тарихдаги энг яхши натижасини такрорлаб, мавсумни 3-ўринда тугатди.
Жамоа йил давомида жами 36 ўйин ўтказди. Суперлигада - 26, ОЧЛ - 7 ва кубок ўйинларида 3та беллашувда майдонга чиқди. Ўтказилган 36 ўйинда 18 ғалаба, 9 дуранг ва 9 мағлубият қайд этди.
Тўплар нисбати: 53-43.
АГМК жамоаси учун жорий мавсум янги тажриба бўлди. Жамоа тарихда илк бор ОЧЛ гуруҳ босқичида ўйнади ва Осиёнинг етакчи жамоалари билан тенгма-тенг курашди. Кубокда ҳам ярим финалга қадар етиб келди ва чемпионатда энг яхши натижасини такрорлади.
АГМК ёшлар жамоаси эса тарихда илк бор Ёшлар Биринчилигида чемпионлик унвонини қўлга киритиб, клуб тарихида кичик ёрқин саҳифа очиб қўйди!
"Мураккаб мавсум ва йил давомидаги меҳнат ва мухлисларга тақдим этилган унутилмас ҳиссиётлар учун жамоа аъзоларига, Миржалол Қосимов бошчилигидаги мураббийлар штаби ва футболчиларга раҳмат айтамиз", дейилади хабарда.
