Италия А сериясининг 27-туридан ўрин олган икки учрашув ниҳоясига етди. Эътиборли томони, ушбу учрашувларда Чемпионлар Лигасида Италия шарафини ҳимоя қилаётган икки жамоаси жавоб учрашувларидан олдин ғалабани тантана қилишди.

Клаудио Раньери келганидан бери “косаси оқармаётган” Миланнинг “Интер” клуби ниҳоят бу турга келиб ғалаба қозонди. «А» серияда кетма-кет бешта учрашувни бой берган жамоа «Кьево» меҳмони бўлиб сўнгги дақиқаларда киритилган икки гол натижасида ғалаба қозонди. Вальтер Самуэль ҳисобни очган бўлса, Диего Милито ғалабани мустаҳкамлаган гол муаллифига айланди.

“Наполи” эса ўз уйида “Кальяри”ни қабул қилиб голлар “ёмғири”ни мухлисларга тақдим қилди. Жами бўлиб тўққизта гол кўрган мухлислар, уларнинг олтитасини мезбон жамоа киритганидан хурсанд бўлгани табиий. Қизиқ томони, неаполликларнинг олтита голига олтита футболчи муаллифлик қилган бўлса, “Кальяри” биргина Ларривейнинг ўзи билан учта гол уриб қўя қолди. Айтганча, жамоа ҳимоячиси Асторе ҳам гол киритганди, бироқ бу гол Де Санктис дарвозасидан эмас, балки жамоадоши Агацци қўриқлаган дарвозадан жой олди.

ИТАЛИЯ А СЕРИЯСИ
27-ТУР
Наполи – Кальяри – 6:3 (3:1)
Голлар: Ҳамшик (10), П.Каннаваро (19), Астори (30, автогол), Лавесси (56, пенальти), Гаргано (70), Маджо (84) – Ларривей (38, 77, 90).
НАПОЛИ: Де Санктис, Суньига, П.Каннаваро, Кампаньяро, Ароника, Гаргано (Варгас, 74), Ҳамшик (Маджо, 63), Инлер, Доссена, Пандев, Лавесси (Кавани, 59).
КАЛЬЯРИ: Агацци, Ф. Пизано (Перико, 46), Канини, Астори, Агостини, Экдаль, Наингголан (Рибейро, 31), Ибарбо, Конти, Дессена (Гоцци, 66), Ларривей.

КЬЕВО – ИНТЕР – 0:2 (0:0)
Голлар: Самуэль (87), Милито (90).
КЬЕВО: Соррентино, Ачерби, Н. Фрей, Андреолли, Драме, Ригони, Брэдли, Саммарко (Дайнелли, 60), Лусиано (Хетемай , 72), Теро, Пеллиссье (Москарделли, 77).
ИНТЕР: Жулио Сезар, Нагатомо, Самуэль, Лусио, Майкон, Х. Занетти, Поли (Камбьяссо, 84), Станкович, Снейдер, Форлан (Паццини, 71), Милито.