Хабарингиз бор, кеча аргентиналик Лионел Месси ўзининг фаолиятидаги навбатдаги "Олтин тўп" совринини қўлга киритди. Қуйида футболчи ва соврин ҳақида қизиқарли факт ва статистикаларни келтириб ўтамиз

– Месси фаолиятида 7-марта бу совринга эга чиқди (2009—2012, 2015, 2019, 2021 йил);

– Месси (34 ёш-у 158 кун) “Олтин тўп”ни совриндорлари ичида энг ёши катта иккинчи футболчи бўлди. Бу борада рекорд Стенли Метюзга (41 ёш-у 321 кун) тегишли;

– Лионел “Олтин тўп” рейтингида сўнгги 14 йил ичида фақат бир марта (2018 йилда) 2-ўриндан пастда қайд этилган;

– Франция клуби вакили 30 йил деганда, “ПСЖ” футболчиси эса тарихда илк бор “Олтин тўп”га эга чиқди. 1991 йил “Марсел” аъзоси Жан-Пер Папен совринни қўлга киритганди;

– Месси (613 балл) сўровнома натижаларига кўра Левандовскини (580) 33 баллга ортда қолдирди.