Мадриднинг “Реал” клуби бош мураббийи Карло Анчелотти Бельгия терма жамоаси ярим ҳимоячиси Эден Азарнинг муаммолари ҳақида фикр билдирди.
"Азарнинг муаммоси менталитетда эмас. У жисмоний ҳолатини яхшилаши ва ўсиши керак. Унга майдонда дақиқалар керак, у соғлом бўлса уларни олади. Эден таслим бўлмаслиги керак", - деди италиялик мутахассис.
Бугун "қироллик клуби" Ла Лиганинг 9-туридан ўрин олган қолдирилган ўйинда ўз майдонида Билбаонинг "Атлетик" жамоасига қарши баҳс олиб боради.
Жорий мавсумда Азар Ла Лигада 10 та ўйин ўтказиб, 1 та голли узатмани амалга оширди.
