Madridning “Real” klubi bosh murabbiyi Karlo Anchelotti Belgiya terma jamoasi yarim himoyachisi Eden Azarning muammolari haqida fikr bildirdi.
"Azarning muammosi mentalitetda emas. U jismoniy holatini yaxshilashi va o‘sishi kerak. Unga maydonda daqiqalar kerak, u sog‘lom bo‘lsa ularni oladi. Eden taslim bo‘lmasligi kerak", - dedi italiyalik mutaxassis.
Bugun "qirollik klubi" La Liganing 9-turidan o‘rin olgan qoldirilgan o‘yinda o‘z maydonida Bilbaoning "Atletik" jamoasiga qarshi bahs olib boradi.
Joriy mavsumda Azar La Ligada 10 ta o‘yin o‘tkazib, 1 ta golli uzatmani amalga oshirdi.
