Американинг ESPN телеканали турли номинациялар бўйича 2021 йилнинг энг яхши футболчилари ва мураббийлари номини эълон қилди.

2021 йилнинг энг яхши ҳужумчиси сифатида Лионель Месси эътироф этилди. Криштиану Роналду иккинчи ўриндан жой олган бўлса, Килиан Мбаппе кучли учликка якун ясаган. Марказий ҳужумчилар орасида эса Роберт Левандовски ғолиб деб топилган, кейинги поғоналардан Эрлинг Ҳоланд ва Карим Бензема жой олган.

Шунингдек, бошқа позицияларда ҳам ғолиблар аниқланди:

Энг яхши дарвозабон: Ян Облак;
Энг яхши ўнг қанот ҳимоячиси — Ашраф Ҳакимий;
Энг яхши чап қанот ҳимоячиси — Эндрю Робертсон;
Энг яхши марказий ҳимоячи — Рибен Диаш;
Энг яхши марказий ярим ҳимоячи — Нголо Канте;
Энг яхши ҳужумкор ярим ҳимоячи — Кевин де Брюйне;
Энг яхши вингер — Садио Мане;
Энг яхши ҳужумчи — Лионель Месси;
Энг яхши марказий ҳужумчи — Роберт Левандовски;
Энг яхши мураббий — Томас Тухель.