Франциялик собиқ ҳимоячи, Европанинг бир қатор топ-клубларида тўп сурган Патрис Эвра “Олтин тўп” учун овоз бериш натижалари ҳақида ўз фикрлари билан ўртоқлашди. Мукофотни ПСЖ ҳужумчиси Лионель Месси қўлга киритган бўлса, Роберт Левандовски (“Бавария”) учинчи ва Жоржиньо (“Челси”) учинчи ўринни эгаллади.
“Лео мавсумни яхши ўтказди. Бироқ, Роберт кетма-кет икки йилнинг энг яхшиси эди. Мен унга ачинаман. “France Football” кўзингизни очинг ва жавоб беринг. Бу сафар ҳам Левандовскини ўғирлаб кетишди”, - деди Патрис ўзининг Инстаграм саҳифасида.
Ўтган йили “Олтин тўп” учун Левандовски яққол фаворит бўлган эди, бироқ коронавирус туфайли мукофот топшириш бекор қилинганди.
