«Навбаҳор» клуби собиқ бош мураббийи Андрей Канчельскис ўзига нисбатан таҳдид қилинганини ва бу масалада полицияга мурожаат қилганини тасдиқлади.

«Биз ҳақиқатан ҳам полицияга ариза ёздик. Бу маълумот ОАВга қандай тушиб қолгани мен учун қизиқ. Бизнинг органларимиз қандай ишлаши тушунарсиз. Ғалати ташкилот.

Барча таҳдидлар FIFA ва UEFAга юборилади. Бу иш билан жиддий шуғулланиш керак. Ҳозирча ушбу хабар ОАВда эълон қилингани ҳақида кутилмаган маълумот олдик, аммо полиция ҳеч қандай реакция билдирмади. Тез орада қандайдир маълумотга эга бўламиз, деган умиддаман. Ушбу инсонлар топилишини ва уларга нисбатан қонун доирасида иш кўрилишини истайман.

Бундай ҳолатга илк марта дуч келяпман. Нима учун бундай таҳдидларга учраётганимни билмайман. Ахир биз қонуний иш кўраётгандик. Гўёки тараққий этган дунёда яшаяпмиз, ишлар бундай ҳал қилинмайди. Айбим нима эканини тушунмаяпман. FIFA менинг фойдамга 1,6 млн евро тўланиши ҳақида қарор чиқарганими? Бу ишда мен эмас, улар ғалаба қозонишганида нима бўларди? Тўғри, ҳеч нарса.

Ўша суҳбатдан кейин мени бошқа таъқиб қилишмади. Ёқимсиз вазият. Қўрқув борми? Албатта. Энди уйда беркиниб ўтиришимиз керакми? Яхши яшаяпмиз, ишлаяпмиз. Барчаси режа асосида кетяпти. Яна шундай ҳолат юз берса, яна ҳуқуқни ҳимоя қилиш органларига мурожаат қиламиз», — деди Канчельскис Sport24 мухбири билан суҳбатда.