"Манчестер Сити" устози Пеп Гвардиола "Астон Вилла"га қарши кечган баҳсдан кейин ўз фикрлари билан ўртоқлашди. У Бернардо Силванинг голига алоҳида тўхталиб ўтди:
"У жамоамизнинг энг яхши ўйинчиси. У бундан 2-3 мавсум илгари ҳам энг яхши футболчилар қаторида эди. Шундан кейин ҳам Силва ўзининг қобилиятини намойиш этиб келмоқда. У бугун яхши дарвозабонга қарши чиройли гол уришга эришди. Сиз бундан бир неча йил аввалга, 98 очко тўплаб, чемпион бўлган пайтимизга қайтсангиз ҳам худди ҳозиргидай сифатли Бернарду Силвани кўрасиз".
Эслатиб ўтамиз, "Астон Вилла" устидан қозонилган ғалаба(1-2), "шаҳарликлар"ни 32 очко билан иккинчи ўринда қолишини таъминлади.
