"Manchester Siti" ustozi Pep Gvardiola "Aston Villa"ga qarshi kechgan bahsdan keyin o‘z fikrlari bilan o‘rtoqlashdi. U Bernardo Silvaning goliga alohida to‘xtalib o‘tdi:
"U jamoamizning eng yaxshi o‘yinchisi. U bundan 2-3 mavsum ilgari ham eng yaxshi futbolchilar qatorida edi. Shundan keyin ham Silva o‘zining qobiliyatini namoyish etib kelmoqda. U bugun yaxshi darvozabonga qarshi chiroyli gol urishga erishdi. Siz bundan bir necha yil avvalga, 98 ochko to‘plab, chempion bo‘lgan paytimizga qaytsangiz ham xuddi hozirgiday sifatli Bernardu Silvani ko‘rasiz".
Eslatib o‘tamiz, "Aston Villa" ustidan qozonilgan g‘alaba(1-2), "shaharliklar"ni 32 ochko bilan ikkinchi o‘rinda qolishini ta’minladi.
