"Лестер Сити" клуби устози Бренден Рожерс "МЮ"га Ральф Рангникнинг келиши ҳақида фикр билдирди. У ўз интервьюсида шундай дейди:
"Ўйлашимча, улар футбол оламидаги энг тажрибали инсонни олиб келди. Унинг мураббий ҳамда спорт директори сифатидаги даражаси жуда юқори. Мен Ральфни шахсан танимайман. Аммо у билан "Ливерпуль"да ишлаган вақтимда телефон орқали гаплашган эдик. Мен унинг жамоаси, "Лейпциг"га қарши ўйин ўтказганман. Шу сабаб бемалол айта оламанки, унинг савияси "МЮ" учун мос келади".
Эслатиб ўтамиз, Рожерс жамоаси кеча "Саутгемптон"га қарши баҳсда 2-2 ҳисобида дурангга имзо чеккан.
