Европанинг топ-клублари Дортмунднинг “Боруссия” клуби ҳужумчиси Эрлинг Холандни 75 миллион еврога сотиб олиш имкониятидан фойдаланиш учун ёзни кутаётган бўлса, “Манчестер Юнайтед”нинг режалари бутунлай бошқача.
“Sport.es” нашрининг хабар беришича, манкунианликлар норвегияликни январда сотиб олишга тайёр. Манбага кўра, форвард “қизил иблислар”га 210 миллион еврога тушади.
Музокаралар чоғида МЮ 118 миллион еврогача бўлган тўловни амалга оширишга тайёр. Буларнинг барчасига футболчининг агентига 40 миллион, Холанднинг отасига яна 20 миллион, Эрлингнинг маоши эса 25-30 миллион евро атрофида бўлиши тахмин қилинмоқда.
