"Челси" ЛГБТ мухлислари гуруҳи "Челси Прайд" БААда 2022-йил 3-12-феврал кунлари бўлиб ўтадиган ФИФА клублар ўртасидаги жаҳон чемпионати муносабати билан баёнот берди.
“Мусобақа дастлаб Хитойда ўтказилиши керак эди, бироқ мезбон мамлакат бир неча бор ўзгарди. Чемпионат БААда ўтиши ҳақидаги хабар эълон қилинганидан сўнг, инсон ҳуқуқларини ҳимоя қилувчи ташкилотлар ва бошқа нодавлат ташкилотлар бу танловга жиддий хавотир билдиришди.
Йиллар давомида инсон ҳуқуқлари ҳимоячилари БАА ҳукумати томонидан меҳнат қонунчилиги, умумий кузатув, қийноқлар, сўз эркинлигини чеклаш, шунингдек, аёллар ва ЛГБТ ҳамжамиятлари ҳуқуқларига оид жиддий инсон ҳуқуқлари бузилишини қайд этган . Бундай қоидабузарликлар клубнинг жаҳон чемпионатига алоқадор шахсларга, жумладан, футболчилар, мухлислар, ишчилар, журналистларга бевосита таъсир қилиши мумкин.
Жаҳон футболи етакчилари халқаро турнирларни ўтказиш ҳуқуқини инсон ҳуқуқлари аҳволи оғир бўлган мамлакатларга топширишда давом этмоқда. Келаси йили Чемпионлар лигаси финали Россияда, бир йилдан сўнг Туркияда бўлиб ўтади. Уч йил олдин УЕФА "Челси"ни Бокуда ўйнашга мажбурлаган. Сўнгги тўртта клублар ўртасидаги жаҳон чемпионатининг иккитаси БААда, яна иккитаси Қатарда ўтказилган. Кейин эса Қатарда 2022 йилги жаҳон чемпионати ўтказилади.
ЛГБТ мухлислари сифатида биз нуфузли мусобақаларни диктатура режимига ўтказиш амалиётидан ғазабдамиз, бунинг оқибати биз, клубларимиз, терма жамоаларимиз турли хавф-хатарлар мавжуд мамлакатларга саёҳат қилишга мажбур бўлмоқда." -дейди "Челси Прайд" мухлислар гуруҳи.
