"Зенит" ҳужумчиси Сердар Азмун Санкт-Петербург клубидаги фаолияти ҳақида гапирди.

- Яқинда "Зенит" сафида юблей 100 ўйин ўтказдингиз. Бу рақам сиз учун нимани англатади?

- Мен "Зенит"да ўйнаганимдан, айниқса у билан кўп ўйин ўтказганимдан фахрланаман. Мени клуб раҳбариятидан тортиб, оддий ходимларгача ҳамма қўллаб-қувватлайди.

Бизда энг зўр мухлислар бор. Яхши ўйнай олганимдан жуда хурсандман. Менда куч бор экан ва улар мени жамоада кўришни исташар экан, мен ўз ишимни бажаришга тайёрман.

- РПЛда 85 та гол ургансиз. Яна битта гол, ва сиз Россия чемпионати тарихидаги энг сермаҳсул хорижлик бўласиз. Бундай рекордга қандай муносабатдасиз?

- Албатта, ёқимли, лекин мен бундан ҳам кўпроқ гол уриб, жамоага кўпроқ фойда келтира оламан деб ўйлайман, - дейди Азмун.