Бир неча йил олдин Ла Лига Маямида «Жирона» ва «Барселона» ўртасидаги чемпионлик учрашувини ташкил қилмоқчи эди. Испания Қироллик футбол федерацияси бунга қарши норозилик билдирди ва суд жараёни бошланди.
Пайшанба куни федерация бу иш бўйича иккинчи судда ғалаба қозонди. Мадрид вилоят суди Ла Лига ўйинлари Испанияда ўтказилиши кераклиги ҳақида қарор чиқарди. Ла Лига суд харажатларини федерацияга тўлаши керак. Бу ҳақдаги қарор Испания қироллик футбол федерациясининг расмий сайти орқали хабар қилинган.
Айтиш жоизки, кейинги йилларда турли давлатларнинг Суперкубок баҳслари хорижда тез-тез ўтказилмоқда.
