Бугун, 4 декабрь шанба куни Самарқанд Ўзбекистон кубоги финалига мезбонлик қилади. «Пахтакор» ва «Насаф» ўртасидаги ҳал қилувчи учрашувни кузатиш учун кўҳна шаҳримизга Тошкент ва Қашқадарёдан юзлаб мухлислар ташриф буюриши кутилмоқда.

Самарқанддаги финал юқори даражада ўтиши учун ташкилотчилар катта тайёргарлик кўришган. Соат 10:00да Регистон майдонида бошланадиган тадбирлар соат 13:00да «Динамо» стадионидаги байрам дастурларига уланиб кетади. Соат 16:00да финал старт олса, танаффусда эстрада юлдузи Райҳон «Динамо» стадионида йиғилган мухлислар қаршисида концерт дастури билан чиқиш қилади.

Шундан сўнг Регистонда кубок билан суратга тушиб, инстаграм ижтимоий тармоғига жойлаган мухлислар ўртасидаги танлов ғолибларига 3та Велосипед совға қилинади. Финалдан кейин эса тақдирлаш маросими ўтказилади.

Бугун барча йўллар «Динамо» стадиони томон олиб боради. Стадионга кириш БЕПУЛ! Чипталар ўйингоҳ кассасида тарқатилмоқда! Марҳамат!